ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

សម្ដេចតេជោ ប្រាប់មេទ័ពថៃថាដើម្បីធ្វើឱ្យព្រំដែនជាកន្លែងមានសន្ដិភាពបានកងទ័ពគួរតែជាកងទ័ពការទូត

  • ចុះផ្សាយថ្ងៃទី០៣ ខែកុម្ភៈ ឆ្នាំ២០២២ ម៉ោង ១៨:៥៩ នាទី ដោយ Hun Sirivadh
  • 2325
  Aa |   aA

ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានប្រាប់មេបញ្ជាការទ័ពជើងគោកថៃលោក ណារ៉ុងផាន់ ជិតកែវធែ (Narongpan Jitkaewtae)ថា ទំនាក់ទំនងរវាងប្រទេសកម្ពុជាថៃគឺកាន់តែស៊ីជម្រៅ មានជំនឿទុកចិត្តលើគ្នាទៅវិញទៅមករវាងកងទ័ពនៃប្រទេសទាំងពីរ។ សម្ដេចបានបន្ថែមថាកងទ័ពគប្បីដើរតួនាទីជាកងទ័ពការទូត រក្សាសន្ដិភាពស្ថេរភាព ធ្វើឱ្យប្រជាជនតាមព្រំដែនមានជំនឿចិត្តប្រកបរបរអាជីវកម្ម ធ្វើឱ្យព្រំដែនក្លាយជាតំបន់សន្ដិភាព និងការអភិវឌ្ឍ។

ក្នុងជំនួបជាមួយលោក ណារ៉ុងផាន់ ជិតកែវធែ (Narongpan Jitkaewtae) នៅទីស្ដីការគណរដ្ឋមន្ត្រីនៅរសៀលថ្ងៃទី៣ ខែកុម្ភៈ ឆ្នាំ២០២២នេះ សម្ដេចតេជោ បានអបអរសាទរចំពោះលោក ណារ៉ុងផាន់ ដែលត្រូវបានព្រះមហាក្សត្រកម្ពុជាផ្ដល់មេដាយសហមេត្រីឱ្យ និងបានបង្ហាញនូវការពេញចិត្តចំពោះទំនាក់ទំនងរវាងកងទ័ពប្រទេសទាំងពីរផងដែរ។ សម្ដេចបានឱ្យជាយោបល់ថា ដើម្បីឱ្យព្រំដែនក្លាយជាតំបន់សន្ដិភាពចាំបាច់ណាកងទ័ពត្រូវតែជាកងទ័ពការទូត និងសន្ដិភាព។

ជំនួយការផ្ទាល់សម្ដេចតេជោលោក អ៊ាង សុផល្លែត បានឱ្យអ្នកសារព័ត៌មានដឹងបន្ទាប់ពីជំនួបថា៖ «សម្ដេចតេជោបានបន្ដែមថាកងទ័ពចាំបាច់ដើរតួនាទីជាកងទ័ពកាទូតរក្សាសន្ដិភាព ស្ថេរភាព បង្កើនទុកចិត្តឱ្យប្រជាជននៅតាមព្រំដែន មានជំនឿចិត្តប្រកបអាជីវកម្មជំរុញការអភិវឌ្ឍនៅតាមព្រំដែន ប្រែក្លាយព្រំដែនឱ្យក្លាយជាព្រំដែនសន្ដិភាព មិត្តភាព និងការអភិវឌ្ឍ» ។

ក្នុងជំនួបនោះមេបញ្ជាការទ័ពជើងគោកថៃលោក ណារ៉ុងផាន់ ជិតកែវធែ បានប្រកាសរក្សាទំនាក់ទំនងល្អជាមួយយោធាកម្ពុជា និងសន្យាសហការជាមួយកងទ័ពកម្ពុជាជានិច្ចដើម្បីរក្សាសន្ដិភាព ស្ថេរភាព នៃប្រទេសទាំងពីរ។

លោក ណារ៉ុងផាន់ ជិតកែវធែ បានមកធ្វើទស្សនកិច្ចជាលើកដំបូងចំនួន២ថ្ងៃនៅកម្ពុជា។ ក្នុងដំណើរទស្សនកិច្ចនេះលោកបានចុះហត្ថលេខាលើ «លក្ខខណ្ឌស្តីពីកិច្ចសហប្រតិបត្តិការ (Tems of Reference – ToR)» រវាងកងទ័ពជើងគោកនៃប្រទេសទាំងពីរ ដែលជាឯកសារសំខាន់ដើម្បីត្រួសត្រាយផ្លូវ ឈានទៅលើកកម្ពស់កិច្ចសហប្រតិបត្តិការលើគ្រប់វិស័យក្នុងក្របខ័ណ្ឌកងទ័ពជើងគោកឱ្យមានកម្រិតកាន់តែខ្ពស់ឡើងបន្ថែមទៀត។

កម្ពុជា-ថៃមានព្រំដែនអន្តរជាតិជាមួយគ្នាប្រវែង ៨១៧គីឡូម៉ែត្រចាប់ពីឈូងសមុទ្រថៃនៅខាងត្បូងរហូតដល់ប្រទេសឡាវនៅភាគខាងជើងឈាងខាងកើត។ ក្នុងឆ្នាំ២០១១ ប្រទេសទាំងពីរបានប៉ះទង្គិចគ្នាម្ដងនៅពេលដែលទ័ពថៃបានលើកមកកាន់កាប់តំបន់ព្រះវិហាររបស់កម្ពុជា៕


ព័ត៌មានជាច្រើនទៀតសម្រាប់អ្នក